Ang pagtatalo ng PUSO at ISIP ko.

ISIP: Ayan ka na naman. Kala ko ba magpapahinga ka muna?

PUSO: Pinilit mo lang naman ako, di ba? Paulit-ulit mong sinabi kaya pinagbigyan na kita.

ISIP: Sino ba yan?

PUSO: Kita mo na, na-curious ka rin.

ISIP: Trabaho ko naman talagang maging curious. Sino nga?

PUSO: Siya. Bago.

ISIP: Ano naman nagustuhan mo jan?

PUSO: Basta lang. Kilalanin mo din kasi, magugustuhan mo rin.

ISIP: Di rin siguro. Tandaan mo, trabaho ko din na pigilan ka sa mga nagugustuhan mo. Utos yan sakin ni Ena.

PUSO: E bakit sakin wala naman siyang inuutos?

ISIP: Meron. Ayaw mo nga lang makinig kaya nagsawa na siya sa kasasabi.

PUSO:

ISIP:

PUSO: Hindi ba talaga ko marunong makinig?

ISIP: Sa totoo lang, nakikinig ka naman e. Di ka nga lang marunong sumunod. Tulad ngayon, nagpapahinga ka dapat pero ayan, ano na naman ginagawa mo?

PUSO: Hindi ko naman kailangan magpahinga. Malakas ako. Akala nyo lang mahina pero malakas talaga ako.

ISIP: Sa ating dalawa, ikaw nga ang mas malakas. Tulad ngayon, kahit pinipigilan kita at gustuhin ko man na kahit paano, pag-isipan mo muna yan, alam kong sa huli, pagbibigyan pa rin kita. Gusto mo ba talaga siya?

PUSO: Oo.

ISIP: Anong balak mong gawin?

PUSO: Sasabihin ko sa kanya.

ISIP: Pwede bang ipagpaliban mo muna ng ilang buwan? Sa tingin ko mas makabubuti yon para sa 'yo.

PUSO: Bakit naman?

ISIP: May dahilan pero mahirap ipaliwanag. Hindi lahat makakaunawa.

PUSO: Bakit nga?

ISIP: Ang kulit mo naman.

PUSO: Shempre, kaligayahan ko ang ipinagpapaliban mo tapos ayaw mo akong bigyan ng dahilan...

ISIP: Kasi maaring kalungkutan din ang maidulot sa yo ng pagmamadali.



PUSO: Talaga bang lagi akong nagmamadali?

ISIP: Hindi naman. Minsan, mabagal lang talaga sila kaya ikaw ang nauuna.

PUSO: Pinapatawa mo naman ako e...

ISIP: Ganyan talaga. Isa din yan sa trabaho ko pag nalulungkot ka na. Ano, payag ka na bang wag mo munang sabihin sa kanya?

PUSO: Sige, di na lang muna.

ISIP: At di ka rin gagawa ng paraan para di siya mag-isip na may gusto ka sa kanya?

PUSO: Yan ang di ko maipapangako. Hehe